Zaoterdig 10 november: Aopening Vastelaoves Sezoen

Leef Linnerluuj,

‘t Geit al weer hèl oppe 11-dje vanne 11-dje aan en det beteikendj det alle Kwekkerte, Kwaakers en Kuulköp weer de nuuëdige activiteite gaon vertuuëne.
Traditiegetroew zólle veer op 11 november ’t nuje vastelaovessezoen 2018/2019 in Lin gaon äöpene en dit jaor zól dit exact om 00.00 oer zeen.
Op zaoterdig 10 november verzamele veer os inne “aoje” tempel 2018 ( Cafe den Tegel ) wonao later oppe aovendj koers wórtj gezatj nao ozze nuje tempel 2019: De Harmoniezaal.

Hiej zal den, wie gezag, rondj middernach door heersendj prins Bart II (Slabbers) ’t nuje seizoen én nuje tempel officieel veur geäöpendj verklaordj waere. Dit duit hae uiteraard mit mitwirking van de nuje oetbaters vanne Harmoniezaal, Stephan Seegers en Lenie Vossen. Behoudens gezellige meziek en carnavaleske ammesatie zólle o.a. ouch de nuje ( Kwaakers ) leje boete op ’t aangrenzendje terras/parkeergedeilte op ludieke wijze geduiptj waere in ein groeate, naate en veural kaoje kwekkertepool.


Kortom, voldoendje raeje om op 10/11 november as. same mit os en alle Linner vastelaovesgekke de sjoeanste periode van ’t jaor binne te sjtappe!

Veer zeen ós,

Besjtuur en leje, C.V. de Kwekkerte, Lin.