Verkoup Kwekkerte Gezet: zaoterdig 13 januari!

Leef Linner Luuj,

Zaoterdig 13 januari vanaaf 10.00 wurdj door gans Lin de 48e Linner Kwekkerte Gezet verkocht.
Dit 128 pagina's tellende, full color, boekwerk is te kriege veur slechs 5 euro, en den zit 'r ouch nog 'ns 'ne prachtige raamposter biej. 
Mis 'm neet, 't is weer een fantastisch exemplaar, wo de vastelaovendj in Lin in al häör facette in wurdj belicht.
Dit jaor bevat de gezèt o.a:

- 'n Heus daagbook van ozze Prins Bart d'n 2e,
- 'n sjtuk van de nuje Linner Adjudantevereniging a.L.a.a.F. en 'ne ingezonje breef hieop, 
- 't leste nuujs over de Kwaakers, Kuulköp en  Kloekers
- tal van waorgebeurde ongeluifelijke dörpsverhaole
- 'ne prachtig verhaol euver de Groeatesjtraot inne vreugere jaore
- alle info euver o.a. 't Kwekgala, Poetebal & Mertparade
- en nog 115 angere pagina's mit allemaol sjoean Linner Vastelaovesinformatie!

De gezèt is vanaaf 13 januari ouch verkriegbaak bij Fa. Schlicher oppe Aoje Mert, of bie Rick Sjure, bereikbaar via gezet@kwekkerte.nl.
Dus laot uch verrassen en koup de gezèt, gemaakt veur en door echte Linner Luuj!